- CAESAREA Palaestinae
- CAESAREA Palaestinaequae et Turris Stratonis, et Apollonia; urbs Archiepiscopalis ac, post Hierosolyma, primaria, inter Ptolcmaidem ad Boream 40. et Ioppen in Austrum 30. mill. pasl. ab Hierosolymis 50. in Occasum, et Circium, prorsus iacens in litore maris. Ab Herode, in honorem Caesaris, aedificata, in qua idem in eiusdem honorem magnificam domum e marmore construxit, ubi nepos eius ab angelo percuslus, eo quod non dedislet honorem Deo, consumptus a vermibus exspiravit. Actor c. 12. v. 23. In hac Cornelius Centurio a Petro baptizatus est. Magnificentiam huius urbis prolixe describit Iosephus, Iud. Ant. l. 15. c. 13. l. 4. c. 9. Postmodum Metropolis Palaestinae, nomine Coloniae Romanae honorata, quodVespasiani copias humaniter tractâslet. Creditur Agabi Propherae patria; ab Eusebio, Theophilo, etc. illustrata. Euseb. l. 5. c. 22. Beda de aequin. verno. Híc a Gentibus Iudaei omnes, ad XXM. occisi, quam cladem ulturi, dum vicos Syrorum vastabant, gentes in se exasperârunt, A. C. 66. Origenes hîc docuit. A. C. 222. Ibi Synodus, propter Paschatis celebrationem, ab hoc Theophilo, et A. C. 334. ob Athanasium, Tyrum translata. Tom. 2. Conc. Expugnata est a Muhavia, post 7. annor. obsidionem, A. C. 653. longitud. 66. 15. latitud. 32. 20.
Hofmann J. Lexicon universale. 1698.